Đơs tàm broă lơh Thủ tướng ồng Phạm Minh Chính đơs sùm, tam klăc, tàm dong tàm kờl bal, sền dờng màng oh mi, rcang lài tam pà bal, dong kờl cau ndai là bơhiàn kwơ màng bơh jơi bơtiàn he dê, geh ală rơnàng cau Việt Nam he dê lơh, prap gàr, bơt bơtàu mờ lơh jat bơh gĭt nđờ rài do - hơ̆ là ală bơta tờm lơh geh bơta niam bơnĕ bơh kòn bơnus Việt Nam dê, lơh geh bơta pràn bơh jơi bơtiàn Việt Nam.

Is ồn bơhiàn kwơ màng hơ̆ gam geh lơh nền mờ broă lơh niam bơnĕ ngan là pà wơl klung pròc dong kờl cau mờ nùs nhơm “pà tĕ là gam sùm” bơh gĭt nđờ rơbô nă cau tam gùt kơnhoàl ù tiah Dà lơgar dê tàm ală nam do. Thủ tướng đơs nền, do là bơta niam, là bơta pơn yờ să, là cơng tàng bơh bơta bơtàu tơnguh uă, tơngŏ bơta gĭt wă, bơta mờng chài lơh broă jrô ơnàng làm uă, mờng chài lơh broă li la uă ngan bơh ală cau jak chài bơrkiar pròc klung, bơh ală gah bơkiar pròc klung Việt Nam đơs is mờ gah lơh sơnơm Việt Nam dê đơs bal.