Tơnơ̆ dơ̆ wă rò, bàr Thủ tướng lam lơh pơrjum bơyai tàm hìu lơh broă Thủ tướng Ấn Độ mờ Thủ tướng ồng Phạm Minh Chính geh ală dơ̆ tìp mat kwang đơng lam bồ kâp dờng bơh lơgar Ấn Độ dê. Dơ̆ lòt còp do bơh Thủ tướng Cíñ phủ dê geh gơtha dờng ngan, kờñ đơs nền gùng dà broă lơh ờ tam gơl bơh lơgar Việt Nam dê, sền dờng màng bơta git gơp lơh bơyô ờs mờng mờ lơh broă bal jŏ jòng tơl làm mờ lơgar Ấn Độ, pơgồp bơnah sơlơ bơrkuăt kơ̆ bơta git gơp đah kwang đơng lam bồ 2 lơgar, ngan là đah bàr Thủ tướng. Dơ̆ lòt còp geh 2 gah rơcang lài jơh nùs, wil tơl, broă lơh li la, tơngume jrô ơnàng làm uă, ngan ngồn mờ tơngume tờm là lơh niam rlau tai bơta git gơp lơh broă bal jŏ jòng tơl làm đah Việt Nam mờ Ấn Độ tàm ală broă.