VOV4.K’ho- Dờp jơnau jà bơh Thủ tưóng Cíñ phủ ồng Phạm Minh Chính dê, ngai do 28/09, Thủ tướng lơgar Kộng hoà Cuba ồng Manuel Marrero Cruz sơnđờm dơ̆ lòt còp gĭt gơ̆p lơh bơyô ngan ngồn lơgar Việt Nam. Dơ̆ lòt còp tơnggŏ bơta jơh nùs lơh ngan bơh 2 gah dê tàm broă pơn jăt tai bơtàu tơnguh mờ tơnguh rlau tai bơta gĭt gơ̆p lơh bơyô bal, tam klăc bal, dòn song, pin dờn bal mờ gơ̆p, lơh broă bal tơl ală bơta, tam klăc bal dùl nùs đah Đảng, Dà lơgar, Cíñ phủ mờ Làng bol bàr lơgar.

Dơ̆ lòt còp ngan ngồn lơgar Việt Nam bơh Thủ tướng lơgar Kộng hoà Cuba dê dơ̆ do dùl dơ̆ tai đơs nền Việt Nam mờ Cuba geh pơn jăt tai tàm pơdờn mờ đòm jăt pràn kơldang bơhiàn ờs mờng bơh yau niam bơnĕ, jơh nùs lơh ngan ai bơta gĭt gơ̆p đah 2 lơgar ngai sơlơ gơlòt mŭt ngan ngồn tàm uă broă mờ lơh gơtùi, tàm hơ̆ tơrgùm tơnguh bơta gĭt gơ̆p lơh broă bal lơh sa, kă bro mờ bơcri priă rơhời bơtàu tơnguh tus ndrờm pal mờ bơta gĭt gơ̆p cíñ trị niam bơnĕ đah 2 lơgar.

Cau cih VOV Tây Nguyên- Cau mblàng Lơ Mu K’Yến