Cri bơyai mờ tơngu me “Mpồl bơtiàn mpồl lơh sa kă bro ASEAN pơgồp bal, pràn is mờ kơl jăp: Git tŭ niam tàm rài sồ”.

Tàm dơ̆ cri bơyai, kwang đơng lam ală mpồl lơh sa kă bro mpồl ASEAN, kwang đơng lam mpồl ASEAN mờ ală lơgar lơh broă bal cri bơyai uă ngan bè bơta niam, bơta lòng tàm broă lơh broă bal lơh sa sồ bơh mpồl ASEAN dê; broă lơh pràn bơta git gơ̆p lơh broă bal đah mpồl ASEAN mờ ală lơgar lơh broă bal tàm broă bơtàu tơnguh lơh sa sồ; pơlam lơh gơs bơta niam lơh sa sồ mpồl ASEAN; jơnau sồr geh ai tàm broă bơtàu tơnguh kă bro điện tử tàm mpồl ASEAN tŭ do; lơh pràn broă bơtàu tơnguh mpồl ai geh ƀán zẫn tàm mpồl ASEAN. Bal mờ hơ̆ ală kwang bàng kung cri bơyai bè broă ngui bơta ngăc ngar kòn bơnus lơh geh (AI) tàm broă atbồ mpồl lơh sa kă bro mờ ai geh broă lơh broă bal mờ ală lơgar tàm mpồl ASEAN; tam gơl sồ tàm gah thông tin; lơh broă bal bơ̆t bơtàu cau lơh broă geh bơta ngăc ngar uă; tơnguh tiah bơcri priă nàng hòi jà bơcri priă blơi bơta chài măk mok…