Thủ tướng ồng Phạm Minh Chính jờng rơ mpồl lơh broă geh ntrờn bơh uă kơnhoàl ù tiah bơh Dà lơgar dê tus dong kờl ai rơndăp broă lơh in, kung bè bơta sơm bat tê bal pơgồp bal dà kơl hề mpồl cau lơh broă tàm tiah do dê bơh Đoàn Ơruh pơnu neh dong kờl drơng broă mut lơh; ală mpồl lơh broă bơcri priă lơh ờ mìng ngui phan bơna, măi mok pa lơm mờ geh uă bơta bơceh lơh măi mok, jun pơndiang phan bơna, bơt crăp...

Thủ tướng Cíñ phủ sồr mpồl lơh broă mờ làng bol tiah do pơn jat tai pơgồp bal, dong kờl bal mờ gơ̆p lơh mhar broă lam lơh rơndăp broă lơh, mơkung bơyai lơh lơh bè ờs wơl, lơh niam wơl ù tiah gùt dar, tiah ơm kis, kơ̆p kờñ Đoàn viên, ơruh pơnu tiah do pơn jat tai lơh jat niam nùs nhơm tam klăc bal, bơhiàn kờñ gơboh Dà lơgar, jơh nùs tus bal rơndăp broă lơh, kung bè ală srơh, broă lơh bơt bơtàu, rơndăp broă lơh Dà lơgar ndai, tài bơta kwơ Dà lơgar mờ ƀòn lơgar dê; pơnđơl pràn lơh sir crăp sơntơ̆p jrong tàm ngai 27/06 do.