Mù tàm sre pơndờm pơnđiang cau lơh broă sa sih tam kòi kàl mrềt prang tàm xã Hưng Long, kơnhoàl Ninh Giang, Thủ tướng neh còp tiah lơh sa ngui mờ măi  mok mờ ƀlàng sre dờng sih tam mờ măi mok. Tơnơ̆ tŭ iăt kơno jơnau yal bè bơta sih tam kòi kàl mrềt prang nam 2024 mờ broă ngui măi mok lơm tàm broă tam kòi, broă lơh ngui lơh sa suơn sre kông nghệ kao tàm broă sih tam kòi tàm càr Hải Dương, Thủ tướng nggui tơn tàm măi tam kòi nàng măi rơndeh tam kòi tàm ƀlàng dờng.

Pơn jat hơ̆, Thủ tướng mờ Mpồl lơh broă lòt còp tiah lơh sa tam ka rốt tơrgùm bal drơng broă tăc phan mờ lơgar ndai; còp Hợp ták xã Đức Chính, tiah lơh gơlik phan, ơn ka rốt tàm kơldung mờ koh ƀiài gờm chờ tăc bơnah phan ka rốt mờ lơgar ndai bồ nam pa Giáp Thìn tàm xã Đức Chính, kơnhoàl Cẩm Giàng.