VOV4.K’ho - Pơn jăt tai dơ̆ tus còp, chờ gờm sa tềp tàm càr Thanh Hoá di satềp nam pa Ñâm Zần nam 2022, drim òr (25/01), Thủ tướng Cíñ phủ ồng Phạm Minh Chính bal mờ Mpồl kwang bàng lơh broă bơh Dà lơgar neh tus còp, chờ gờm satềp, boh bơr mờ cau tàm mpồl Hàm Rồng.

Do là anih tơrgùm kwang bàng kăc màng lài do, kwang bàng di mơ, dờng màng bơh Đảng, gơnoar atbồ, mpồl ling neh jơh sơnam lơh broă tàm ƀòn dờng Thanh Hoá. Thủ tướng sồr càr Thanh Hoá pơn jăt tai ai tơl bơta niam nàng mpồl do lơh broă ngai sơlơ geh cồng nha, tơnguh bơhiàn ờs mờng “dà dờng Mã khin cha jăk chài”, pơgồp bal tàm boă lơh bal càr dê, bơ̆t bơtàu càr Thanh Hoá ngai sơlơ tơnguh bơtàu, là càr lam lài bè ală bơta, pơgồp bal tàm broă bơ̆t bơtàu Dà lơgar pràn kơl dang, pas gơs, làng bol sơlơ ngai sơlơ hờm ram, gơboh gơbài. Thủ tướng sồr tềng đăp măt, ală kấp ủy, gơnoar atbồ bal mờ ală anih lơh broă drơng gàr niam ngan ai làng bol bal mờ cau lơh broă wă rò satềp chờ hờp, ờ do ờ dă, niam bơnĕ, tềm pềr, dong kờl bal.

Cau mblàng Ndong Brawl