Tŭ do, Anih do geh rơlao 200 nă kwang bàng, cau lơh broă, lơh jăt broă ròng siam, sền gàr, bơto sră, bơto broă lơh ai mờr 477 nă kơnòm dềt kòn đời, cau koĕt kơl te, cau kra ờ geh cau ròng siam, cau sơnrang, tàm hơ̆ geh 327 nă kơnòm dềt gam bơsram sră.

Jăt jơnau yal, geh di pơgăp 10% ală kơnòm dềt tŭ dờng gơtùi drơng is rài kis să tờm. Đơs tàm dơ̆ tìp, Thủ tướng kơ̆p kờñ kwang bàng, cau lơh broă tàm Anih do sùm đềt mềr, lơh jơh kơnòl bơh să tờm, sền ală cau geh sền gàr tàm do bè cau pròc mhàm tàm hìu nhă, pơn dờm, pơn điang, ai geh bơta pràn, ai geh bơta niam nàng cau koĕt kơl te, ală kơnòm dềt kong gơtìp mờ hoàc huơr sùm lơh ngan sơrlèt. Mờ pal geh broă dong kờl, broă lơh krơi is, di pal mờ ală cau lơh broă do, nàng ală cau do lơh ngan đềt mềr rơlao tai mờ broă lơh, mờ Anih do.