VOV4.K’ho - Mho òr (19/04), Thủ tướng ồng Phạm Minh Chính neh cri bơyai mờ ồng Om Birla, Củ tịc Hạ viện lơgar Ấn Độ di tàm dơ̆ Củ tịc Hạ viện gam lơh jăt broă còp mùl màl lơgar Việt Nam.

                        Thủ tướng ồng Phạm Minh Chính cri bơyai mờ Củ tịc Hạ viện lơgar Ấn Độ

Thủ tướng ồng Phạm Minh Chính đơs tờm, lơgar Việt Nam sùm pơn jờng, ai tơl bơta niam ală mpồl lơh sa kă bro lơgar Ấn Độ in chồl pràn broă bơcri priă bè phan lơh sơnơm, phan bơna, kông nghệ lơh phan, lơh gơs phan bơna, kông nghệ thông tin, kông nghệ sinh học, năng lượng lơh geh wơl, lơh sa suơn sre kông nghệ cao, tam gơl bơceh lơh... Thủ tướng sồr bàr gah pơn jăt tai geh sùm ală kơ cế lơh broă bal, tàm hơ̆ geh kơ cế Ủy ƀan Cíñ phủ bàr lơgar; chồl pràn rơlao tai broă lơh bal sền gàr bơta lơngăp lơngai dà lơgar, bơta chài rơgơi, nhơl chờ, tìp bal làng bol, bơto bơtê mờ bơsram, tam gơl sồ, tam gơl năng lượng, rơcang sơndră mờ tam gơl trồ tiah mờ lơh broă bal dà lềng, nhơm jờu. Thủ tướng kơ̆p kờñ lơgar Ấn Độ pơn jăt tai dong kờl, ai tơl bơta ƀuơn ai làng bol mờ mpồl lơh sa kă bro lơgar Việt Nam ơm kis, bơsram sră, lơh broă tàm lơgar Ấn Độ.

Cau mblàng Ndong Brawl