Bàr gah pơn jờng ală cồng nha niam mờ Hiệp định khăt gơboh kă bro đah lơgar Việt Nam mờ Mpồl tam klăc câu Âu (EU) cèng wơl tơnơ̆ mờ bàr nam lơh; ring bal pơn jăt tai lơh pràn broă lơh bal tàm gah bơcri priă, kă bro đah bàr lơgar mờ geh rơcang sơndră bal mờ ală bơta lòng bal bè tiah kis, tam dră mờ tam gơl trồ tiah, tàm hơ̆ uă ngan là tàm tiah ring dà dờng Cửu Long.

Di tàm dơ̆ do, Thủ tướng Cíñ phủ hòi jà Nghị viện lơgar Bỉ gờñ lơh gơs broă kĭ sră ai Hiệp định dong gàr bơcri priă đah lơgar Việt Nam mờ EU nàng ai geh tiah bơcri priă ƀuơn ai mpồl lơh sa kă bro đah bàr lơgar in, kờñ bal mờ Ủy ƀan câu Âu gờñ sơbì “sră rơmit” gơwèt mờ phan tàm dà lơgar Việt Nam. Thủ tướng Cíñ phủ ồng Phạm Minh Chính hòi jà Củ tịc Thượng viện lơgar Bỉ pơn jăt tai ai tơl bơta ƀuơn mpồl cau lơgar Việt Nam gam kis, bơsram sră mờ lơh broă tàm lơgar Bỉ, ngui niam gơnoar lơh tơrbŏ bal đah bàr lơgar.