Thủ tướng ồng Phạm Minh Chính neh yal mờ Kwang atbồ lơgar Hàn Quốk ồng Yoon Suk Yeol bè ală cồng nha kwơ màng mờ bàr gah neh lơh geh tàm dơ̆ cri bơyai đah bàr Thủ tướng dê.

Thủ tướng ồng Phạm Minh Chính kung sồr bàr gah pơn jăt tai geh sùm mờ tơnguh ală broă tàm pơgơl mpồl kwang bàng kấp dờng mờ ală kấp; pơn jăt tai lơh geh sùm ală gùng dà broă lơh bal tŭ do geh tàm gah cri bơyai broă lơh bal mờ lơgar ndai, sền gàr dà lơgar mờ lơngăp lơngai, di pal mờ bơta git gơ̆p tam klăc bal jŏ jòng tơl ală bơta. Bàr kwang đơng lam ring bal lơh broă bal nền nòn ai bơta git gơ̆p lơh sa mŭt tàm bơta nền nòn, geh cồng nha mùl màl, bơh tŭ hơ̆ pơgồp bal tàm broă lơh gơs jơnau kờñ kă bro đah bàr lơgar dê geh 100 tơmàn dolar Mỹ tàm nam 2025 mờ wèt tus jơnau kờñ 150 tơmàn dolar Mỹ tàm nam 2030.