Đơs tàm dơ̆ pơrjum, Thủ tướng ồng Phạm Minh Chính đơs sùm, tam gơl pa mpồl mờ broă lơh bơh Cíñ phủ dê jăt gùng dà lời wơl dồ êt nă, lơh broă gơtùi, geh cồng nha; rơndăp lơh ƀộ uă gah, uă broă; tơrmù dipal khà ală ƀộ, anih lơh broă ndrờm pal mờ ƀộ; lơh pràn jàu kâp, jàu gơnoar dipal đah Dà lơgar mờ ƀòn lơgar…mờ là jơnau kờñ, mờ là kơnòl broă, broă lơh kwơmàng nàng bơ̆t bơtàu rài lơh sră pơ àr gơnoar ătbồ drơng broă Làng bol, gơnoar adăt boh lam, lơh broă jak, ngui măy mŏk pa.

Thủ tướng sồr ală kwang bàng Mpồl Sồr lơh cribơyai gĭt nền loh jơnau kờñ cih Ală jơnau neh lơh nền tơn jơh, jăt añ Ală jơnau neh lơh nền tơn jơh pal geh 2 jơnau kờñ: Kơlôi sơnơng, sền wơl geh rơndăp, tơl làm bè gơnoar broă, kơnòl broă, gơnăp gơnoar mờ rơndăp tăp sèng mpồl bơh 4 tơngai lơh broă Cíñ phủ dê (bơh khoă XII tus khoă XV); Sồr geh gùng dà, jơnau kờñ, pơlam gùng kơnòl broă, broă lơh bè lơh sir gơnoar broă, kơnòl broă, gơnăp gơnoar mờ rơndăp tăp sèng mpồl bơh tơngai lơh broă Cíñ phủ khoă XVI dê mờ tơngai lơh broă pơn jăt tai.