Thủ tướng sồr ală kwang bàng tơrgùm sền wơl broă lơh jăt ală rơndăp broă, sền wơl broă bơsong kal ke, gơkòl tàm broă lơh jăt ală rơndăp broă, tàm hơ̆ uă ngan là bè broă tơm ntrờn ù tiah.

Jơh ală tài bơta kwơ Dà lơgar, jơi bơtiàn, tài bơta kwơ làng bol dê, Thủ tướng Cíñ phủ sồr ală Ƀộ, gah lơh broă dà lơgar, ală càr, ƀòn dờng pơgồp bal tơrgùm lơh pràn ală rơndăp broă nàng lơh gơs di tơngai geh ai, kơl jăp rơndăp broă lơh, tơl kloh niam tiah kis, lơngăp lơngai lơh broă. Ală Ƀộ, gah lơh broă dà lơgar, ală càr, ƀòn dờng hòi jà jơh mpồl lơh broă cíñ trị; hòi jà ală mpồl lơh broă, mpồl lơh sa kă bro tus bal lơh ală broă lơh, rơndăp broă lơh kwơ màng dà lơgar, broă lơh tờm gah Gùng lòt pơn diang phan, bè neh tus bal lơh gùng che ồs đèng 500kV gùng 03 Quảng Trạch – Phố Nối, lam lơh srơh pơrlòng 500 ngai lơh gơs jơnau kờñ gùt lơgar geh 3 rơbô kơi sồ gùng rơndeh ntoăt jờl tàm nam 2025.