Đơs tàm dơ̆ pơrjum, Thủ tướng pà gĭt, tơngai tus, broă gam uă kal ke, bơta lòng, gam uă bơta kơn jơ̆ bè roh giă priă, den tàng bè hơ̆ pal gĭt nền broă gơlik geh broă tàm lơgar mờ dunia nàng jòi gơlik ală tŭ niam ƀươn ngui niam bơta pràn, bơta ƀươn, tŭ niam uă ngan bơh dà lơgar dê nàng ai geh broă dong kờl di tŭ mờ geh cồng nha. Pal lơh ndang ai mờng chài ndang lơh uă rơhời, ờ gŏ di đơng lam ơm wơl nisơna. Pal pơgồp bal broă dong kờl nam priă jền, kă bro phan, bơcri priă nàng dong kờl gơguh lơh sa, kơ̆ kơl jăp lơh sa dờng, gròi sền roh giă priă.

Bal mờ hơ̆, Thủ tướng sồr, Gah ngân hàng pal lòt lài tàm tam gơl sồ nàng tơrmù ƀà priă tă ai làng bol, ai mpồl lơh sa kă bro in. Thủ tướng pin dờn là gah ngân hàng neh lơh niam rao den pal lơh niam rlau tai, gàr niam tơngguh tai ală bơta lơi neh lơh geh, sơrlèt mờ bơta kal ke bơta lòng nàng lơh niam rlau tai tàm tơngai tus.