Bè gùng dà broă lơh, kơnòl broă, broă lơh tờm tàm nam 2024 Thủ tướng neh mblàng loh bơta tàm dunia mờ tàm lơgar, mờ ai tơngoh loh jơnau kờñ, kơnòl broă nam 2024 tàm hơ̆ geh ai tơngŏ loh, nam 2024 là nam tơnguh mhar, lơh pràn, geh kwơ màng ngan gơwèt mờ broă lơh geh cồng nha Broă rơndăp lơh 5 nam bơh nam 2021 tus 2025 dê.

Thủ tướng pà git, jơnau kờñ tơrgùm bal là ai lài lơh pràn gơguh lơh sa pơgồp bal mờ gàr kơl jăp lơh sa dờng, sền gròi khà phan kă bro gơguh kas ir, gàr niam ală bơta ndrờm bal dờng bơh lơh sa dê; mờ sền kwơ broă gàr niam rài kis lơh sa mpồl bơtiàn, tơnguh uă rài kis làng bol in; tơnguh broă sền gàr dà lơgar, lơngăp lơngai, gàr kơl jăp bơta lơngăp lơngai mpồl bơtiàn; lơh pràn broă lơh bal mờ lơgar ndai mờ tơrgùm bal dunia, sền gàr tiah kis ring lơngai mờ bơta ƀuơn ai broă bơtàu tơnguh dà lơgar in. Jơnau kờñ mùl màl nam 2024 là gàr kơl jăp broă gơguh phan geh lơh tàm lơgar geh bơh 6 tus 6,5%.