Tàm dơ̆ pơrjum, ală cau ala măt đơs sùm, broă lơh geh dùl anih tờm priă jền tiah do mờ ală lơgar tàm lơgar Việt Nam rơ̆p lơh geh dùl broă tam gơl pa bè bơta niam, hòi jà geh tai bơta pràn, lơh pràn broă tam gơl lơh sa, ai lơgar Việt Nam tus bal tàm mpồl gơguh uă rơlao tàm mpồl geh kwơ lơh sa gùt plai ù.

Mơya, do là bơta pa, kal ke mờ pal geh broă tus bal bơh ală Ƀộ, gah lơh broă dà lơgar, ală càr, ƀòn dờng gơrềng bal. Jơnau đơs pơn dŭt dơ̆ lơh broă, Thủ tướng ồng Phạm Minh Chính neh đơs tus mờ bơta kwơ bơh broă bơ̆t bơtàu rơndăp broă lơh. Broă lơh rơndăp broă do là lơh jăt adăt boh lam gùng dà broă lơh bơh Đảng dê, den tàng pal geh broă tìp bal ƀuơn, mhar geh cồng nha, ai bơh tàm bơta pràn bơh dơlam is dà lơgar dê, nùs nhơm lơh ndang mờ pờ ơnàng rơhời, ờ geh gùt plai ù, ờ jal mhar. Pal rơwah ală gùng dà broă lơh krơi is di pal ngan bơh jơh 03 broă lơh tơrlòng lài tiah tờm priă jền tàm dunia, di pal mờ bơta ờs mờng bal ală lơgar dê mờ bơta tờm mùl màl bơh lơgar Việt Nam dê geh gùng dà broă lơh loh làng, mùl màl.