Ngai 13/6, tềng đap bơta đơng lam bơh Thủ tướng Cíñ phủ ồng Phạm Minh Chính dê, Cíñ phủ pơrjum mìng dùl tơngume bè lơh adat boh lam nhai 6 nàng cribơyai bè 3 rơndap lơh adat boh lam mờ 3 jơnau sồr lơh adat boh lam, geh ală rơndap lơh adat boh lam: Adat dà sơnơm (tam gơl); Adat tam gơl, bơ tơl 2, 3 bơta bơh Adat yal tơnggit dê; Adat tam gơl, bơ tơl 2, 3 bơta bơh Adat tơl khà mờ jơnau sồr bơta chài mờ ală jơnau sồr lơh adat boh lam; Adat Jơnau yal; Adat rơcang lài kơryan kòp; Adat tam gơl, bơ tơl 2, 3 bơta bơh Adat Ƀảo hiểm y tế. Đơs là 6 tơngume tàm dơ̆ pơrjum lơh adat boh lam nhai 6 nam 2024 ndrờm là ală tơngume dờng, li la, Thủ tướng Cíñ phủ sồr ală kwang bàng tàm Cíñ phủ tơrgùm bồ tơngoh, pơn jat tai nùs nhơm tam gơl pa; tơrgùm cribơyai bè ală broă kuơmàng, gam geh jơnau đơs krơi is pal cribơyai, dan jơnau đơs Cíñ phủ; lơh jat tơngai pơrgon, cồng nha bơh dơ̆ pơrjum dê.