Thủ tướng ồng Phạm Minh Chính đơng lam pơrjum cri bơyai bè broă đơng lam nam priă jền, priă ngui, lơh sa dờng
Thứ tư, 08:56, 07/12/2022
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Drim òr (06/12), Thủ tướng ồng Phạm Minh Chính đơng lam dơ̆ pơrjum bơh Thường trựk Cíñ phủ bè broă đơng lam nam priă jền, broă priă jền, lơh sa dờng lồi nam 2022 mờ bồ nam 2023.
Đơs tàm dơ̆ pơrjum, Thủ tướng ồng Phạm Minh Chính sồr pal lơh ngan lơh geh ală jơnau kờñ tàm nam 2022 tàm bơta uă ngan. Mìng gam mờr 1 nhai tai là tơn jơh nam 2022, he pal “Lơh ngan toăt jờl rê tus” gàr tơl bơta kơl jăp, geh cồng nha, lơh geh ală jơnau kờñ geh nùs nhơm kơl jăp.
Thủ tướng Cíñ phủ ồng Phạm Minh Chính đơs tờm, mŭt nam 2023, ờ ơm mờ ală broă neh lơh geh, ờ ntoăt jăt cồng nha gời, neh lơh ngan bloh pal lơh ngan rơlao tai, lơh broă geh bơta tơrgùm; Bañ ờ sền gròi, sền ờ sơ̆p, ờ rơcang lài, pal lơh jăt bơta geh, git nền ală bơta tàm lơgar mờ dunia nàng geh broă lơh di pal, mhar, di tŭ.
Viết bình luận