VOV4.K’ho- Drim ngai 26/09, Thủ tướng Cíñ phủ ồng Phạm Minh Chính đơng lam pơrjum pờ tơn tàm internet gùt lơgar bè lơh pràn ai priă bơcri dà lơgar dê mờ lơh jăt 3 Broă lơh jơnau kờñ dà lơgar, tàm hơ̆ geh: Bơ̆t bơtàu ƀòn lơgar pa, Bơtàu tơnguh lơh sa- mpồl bơtiàn tiah làng bol kòn cau dùl êt nă cau mờ tiah kơh bơnơm, Tơn jơh jơgloh tơrmù rƀah kơ̆ kơl jăp jŏ jòng.

Thủ tướng Cíñ phủ đơng lam pơrjum

Thủ tướng sồr, ală kwang bàng cribơyai ai tơlik ală gùng dà, broă lơh mờ kơnòl broă loh làng bơh tŭ do tus jơh nam 2022 pal lam lơh jăt gơtùi, ngac ngar, dipal mờ bơta geh ngan nàng tă bơsong di tŭ ală kal ke, kòl yan tàm broă ai priă dà lơgar bơcri mờ lơh jăt 3 Broă lơh jơnau kờñ dà lơgar. Ală kwang bàng pal yal tơngĭt ală broă lơh, broă lơh tơrlòng lài niam, bơceh lơh, broă lơh tàm ală tŭ lam lơh jăt, đơng lam sồr lơh, sền swì dùl êt ai jơnau bơsram mờng chài. Mơkung yờ tơnguh kơnòl cau lam bồ dê nàng tơnguh ai priă bơcri dà lơgar mờ 3 Broă lơh jơnau kờñ dà lơgar.

Cau cih VOV.VN- Cau mblàng Lơ Mu K’Yến