Thủ tướng đơs tờm, nàng mpồl lơh sa kă bro dà lơgar mùl màl gơs “mpồl phan bơna kwơ màng bơh lơh dà dà lơgar dê” tề lam ală bơnah lơh sa ndai, pal geh đal ală tiah gơtìp kòl tàm kơrnoăt, broă lơh gơwèt mờ tiah mpồl lơh sa kă bro do dê.

Thủ tướng sồr ală kwang bàng tơrgùm cri bơyai, sền wơl di gơnoar broă bơh mpồl lơh sa kă bro dà lơgar tŭ do dê, bơh tŭ hơ̆ lơh loh jơnau kờñ rơndăp tăp sèng, lơh niam tiah lơh sa kă bro dà lơgar di pal mờ bơta mùl màl lơgar Việt Nam dê. Do kung là broă drơng ai broă bơyai lơh tơn jơh ing, sền wơl jơh broă lơh jăt Nghị quyết sồ 12 bơh Dà lơgar dê bè broă pơn jăt tai lơh niam wơl, tam gơl pa mờ tơnguh uă cồng nha mpồl lơh sa kă bro dà lơgar nàng yal Ƀộ Cíñ trị in sền wơl, yal mpồl đơng lam Dà lơgar khoă XIII in. Pal geh sền wơl loh làng rơlao bè broă lơh jăt broă bơcri priă mờ cồng nha bơcri priă bơh mpồl lơh sa kă bro dà lơgar tàm tơngai do nàng bơh tŭ hơ̆ ai gŏ ală bơta gơkòl, kal ke pal geh bơsong.