Pơrjum neh sền wơl tơl ală bơta cồng nha lơh broă bơh Mpồl đơng lam tàm tơngai do, ai geh gùng dà broă lơh tàm tơngai tus. Kung tàm dơ̆ pơrjum, Mpồl đơng lam neh yal kơrnoăt bơh Thủ tướng Cíñ phủ bè broă lơh tơl Mpồl Đơng lam.

Tàm dơ̆ pơrjum, Thủ tướng ồng Phạm Minh Chính mblàng jơnau kờñ gơwèt mờ bơta lơngăp lơngai internet tàm tơngai tus neh gơs bơta jŏ jòng; pal rơcang sơndră mờ ală bơta lòng bơh internet dê, bañ lời gơtìp ờ thàn ni sơna. Mờ pal geh broă lơh broă bal, tus bal bơh ală mpồl lơh broă cíñ trị, mpồl bơtiàn mpồl lơh sa kă bro bal mờ làng bol... Thủ tướng kung sồr rơcang lài tơrgùm bal mờ dunia tàm gah lơngăp lơngai internet; Lùp sền broă lơh mờng chài tàm broă đơng lam, lam lơh mờ broă lơh lơngăp lơngai internet tàm dunia.