Tàm pơrjum, ală kwang bàng neh cribơyai mờ kờp sền bal ală broă lơh, kơnòl broă lơh lài ngan lam lơh jat rơndăp ù tiah, đơs bơta kal ke, bơta lòng, bơta kal ke kòl yan nàng sền gĭt gùng dà broă lơh, broă lơh bơsong, lam lơh geh cồng nha rơndăp ù tiah tiah đah Jum mat tơngai lik Dà lơgar mờ jơnau kờñ ai lơh sa- mpồl bơtiàn tiah đah Jum mat tơngai lik Dà lơgar pơn jat tai bơtàu tơnguh mhar, tơl làm, geh cồng nha mờ kơ̆ kơl jăp.

Tơnơ̆ tŭ iăt ală jơnau đơs tă pơgồp bal, đơs pơndŭt pơrjum, Thủ tướng ồng Phạm Minh Chính đơs sùm, broă lơh sir ring bal rơndăp ù tiah tiah đah Jum mat tơngai lik Dà lơgar tàm tơngai do geh gơtha kwơ màng ngan lơh geh cồng nha, nàng: lơh gơs ngan ngồn rơndăp broă, bơsram lơh jat, jơnau kờñ tàm Nghị quyết bơtàu tơnguh kơnhoàl ù tiah mờ rơndăp ù tiah kấp Dà lơgar tàm tiah do dê; lơh gơs ngan ngồn broă ai ù tiah bơtàu tơnguh ală gah lơh sa Dà lơgar tàm ù tiah do dê; lam lơh ală rơndăp broă lơh cèng bơta tàm tơrbŏ bal kwơ màng đah ală càr tàm kơnhoàl ù tiah, ală kơnhoàl ù tiah mờ ală gah lơh broă; Lơh pràn lơh jat ală broă lơh bơtàu tơnguh mhar kwơ màng nàng kờñ lơh jat geh cồng nha uă ngan rlau jơh bơta ƀuơn bơta pràn tàm pơndrờm bal bè tiah lơh sa bơh kơnhoàl ù tiah dê, sơlơ bơtàu tơnguh lơh sa- mpồl bơtiàn bơh jơh kơnhoàl ù tiah mờ ală tiah rềp bal.