Đơs tàm pơrjum 06 nhai lồi nam, mhar lơh gơs broă tơlik sră nggal geh ai nền nòn lơh jăt Adăt Tàm pơrlòng, pà khà jờng nam 2022. Jào Ƀộ Tư pháp đơng lam, pơgồp bal mờ Ƀộ Nội vụ lam ală càr, ƀòn dờng lơh, tơlik jơnau bơto sồr lơh jăt Adăt pơrlòng, pơn jờng di jăt mờ jơnau, gơnoar geh ai. Thủ tướng jào Ƀộ Nội vụ đơng lam, pơgồp bal mờ ală anih lơh broă gơrềng bal lơh gơs, yal Thủ tướng Cíñ phủ tơlik Jơnau lơh nền kĭ Rơndăp broă bơyai Pơrjum dờng tàm pơrlòng kờñ gơboh dà lơgar gùt lơgar dơ̆ XI; dan Thủ tướng Cíñ phủ, Củ tịc Mpồl duh broă tơlik jơnau sồr tàm pơrlòng lơh geh cồng nha chờ gờm pơrjum dờng đảng ală kấp, wèt tus Pơrjum dờng cau ala măt gùt lơgar dơ̆ XIV bơh Đảng dê.

Thủ tướng jào Ƀộ Nội vụ, Ƀộ Gùng lòt pơn diang phan pơgồp bal mờ ală ƀộ, gah lơh broă dà lơgar, anih lơh broă, ală càr, ƀòn dờng gơrềng bal bơyai lam lơh mờ lơh jăt niam Dơ̆ pơrlòng “500 ngai mang lơh ngan uă, lơh ngan dờng, pơrlòng lơh gơs geh cồng nha ală rơndăp broă lơh gùng tàm ù gờl ntoăt mhar”.