Tàm pơrjum, ală kwang bàng neh iăt jơnau yal, mờ ai geh ală jơnau mblàng, jơnau đơs jăk chài mờ ală cồng nha neh lơh geh, ală broă lơh gam ờ hềt pràn mờ geh bal ală kal ke, gơkòl gam gơtìp mờ dan geh ală broă lơh, pơlam gùng dà, kơnòl broă nàng bơyai lơh geh cồng nha broă yal tơngit gùng dà broă lơh tàm tơngai tus.

Đơs tàm pơrjum, Thủ tướng Cíñ phủ ồng Phạm Minh Chính sồr, pal ring bal uă jơnau git wă bè bơta kwơ, gơnoar, bơta kwơ màng, bơta pràn bơh broă yal tơngit gùng dà broă lơh. Broă bơ̆t bơtàu, lơh gơs kơrnoăt pal jăt, broă lơh bè yal tơngit broă lơh là kơnòl broă kwơ màng tàm broă lơh jăt atbồ Dà lơgar bơh ală ƀộ, gah lơh broă dà lơgar, ală càr, ƀòn dờng. Tơnguh uă kơnòl bơh ală kấp, ală gah lơh broă tàm broă yal tơngit gùng dà broă lơh, tàm hơ̆ uă ngan là cau lam bồ. Rơcang lài lơh niam broă yal tơngit gùng dà broă lơh tàm gah atbồ bơh ală ƀộ, gah lơh broă dà lơgar, ală càr, ƀòn dờng dê.