VOV4.K’ho - Đơs tàm dơ̆ pơn dŭt pơrjum pờ tơlik tàm internet gùt lơgar tơn jơh 20 nam tơnguh bơtàu lơh sa bal mờ tơn jơh 10 nam lơh jăt adăt hợp tác xã nam 2012, Thủ tướng ồng Phạm Minh Chính sồr pal tơrgùm lơh jăt 8 mpồl kơnòl, broă lơh.

           Thủ tướng ồng Phạm Minh Chính đơng lam pơrjum tơn jơh 20 nam tơnguh bơtàu lơh sa bal

Jăt mờ hơ̆, pơn jăt tai kơlôi sơnơng bơ̆t bơtàu kơ cế broă lơh di pal mờ bơta pa mờ bơta mùl màl lơgar Việt Nam dê. Pơn jăt tai bơsong ală bơta kal ke bè thể cế, kơ cế, broă lơh tàm tơngu me git jơnau lơh sa kă bro. Bè gùng dà broă tam gơl adăt Hợp tác xã, Thủ tướng ồng Phạm Minh Chính đơs loh, tơn jơh ală bơta kal ke, ai geh thể cế, broă lơh ƀuơn, chồl pràn broă tơnguh bơtàu pràn kơl dang nàng tiah do geh ndrờm bal mờ gơnoar tờm tàm broă bơ̆t bơtàu broă lơh sa drà kă bro wèt jăt gùng XHCN. Bè nùs nhơm Thủ tướng ồng Phạm Minh Chính sồr broă tam gơl adăt Hợp tác xã pal geh lơh jăt thể cế jơh, tơl nùs nhơm Đảng dê bè broă pơn jăt tai tam gơl pa, tơnguh bơtàu lơh sa bal, hợp tác xã tàm lơgar he tàm tơngai tus.

Cau mblàng Ndong Brawl