Mờ tơngu me “Ngui niam gơnoar lam lài bơh ơruh pơnu dê tàm broă tam gơl sồ dà lơgar”, dơ̆ cri bơyai tơn bơh Thủ tướng ồng Phạm Minh Chính mờ ơruh pơnu geh bơyai lơh tàm ngai 25 nhai 3 gùt dar gùng dà, broă lơh tŭ do bơh Dà lơgar dê gơwèt mờ broă tam gơl sồ dà lơgar.

Broă lơh do kung đơs tus ală gùng dà broă lơh, bơta pràn bơh Dà lơgar dê tàm broă dong kờl, ngui gơnoar, kơnòl bơh ơruh pơnu dê tàm broă lơh ală jơnau kờñ bơh Broă tam gơl sồ dà lơgar, jờng rơ broă tus bal, lơh broă bơh ală ơruh pơnu geh pơnrơ jăk tàm broă bơtàu tơnguh lơh sa mpồl bơtiàn, bơ̆t bơtàu mờ sền gàr dà lơgar. Mờ iăt ală jơnau đơs, jơnau dan bơh ơruh pơnu dê bal mờ ai geh gùng dà nàng bơsong.