Tàm 7 nhai bồ nam 2023, ală bơta lơh sa- mpồl bơtiàn càr Bắc Ninh lơh geh uă cồng nha, lơh sa geh tềl tơngŏ bơtàu tơnguh wơl, kờp jơh khà tăc rah rài phan bơna mờ drơng broă lơh geh mờr 54 rơbô tơmàn đong, priă bơcri tơn bơh lơgar ndai cih mat dan bơcri pa lơh geh 770 tơlak dolar Mỹ, gơguh mờr 4,6 dơ̆ pơndrờm bal dùl tŭ mờ nam lài. Thủ tướng Cíñ phủ ồng Phạm Minh Chính jờng rơ bơta pơn đơl pràn lơh ngan bơh Đảng ƀộ, gơnoar atbồ, ling klàng mờ làng bol càr Bắc Ninh dê, pơgồp bơnah kwơ màng tàm cồng nha bal bơh gùt lơgar dê.

Tàm tơngai tus, Thủ tướng sồr, càr Bắc Ninh pơn jờng dong kờl tam gơl pa bơceh lơh, sơnđờm mut lơh broă, lơh geh uă mpồl lơh sa kă bro. Sơlơ bơtàu tơnguh broă lơh tăc mờ blơi phan bơh lơgar ndai, sền gròi bơtàu tơnguh lơh sa suơn sre ngui kông nghệ kao, tam gơl bơh bồ tơngoh kơlôi sơnơng lơh gơlik phan lơh sa suơn sre tus lơh sa suơn sre, bơtàu tơnguh drà kă bro phan lơh geh bơh lơh sa suơn sre tàm lơgar mờ lơgar ndai. Càr pal lơh jat niam pràn kơl dang bơhiàn kah yau kăc màng, niam chài, tam klăc bal, brồ guh pràn kơl dăng mờ bơta pràn tàm dơlam is, ờ gơn kơnờm kơldìng wơl, pơgồp bơnah bơt bơtàu rài lơh sa is, rcang lài is.