VOV4.K’ho- Mho ngai 10/07, Thủ tướng Cíñ phủ ồng Phạm Minh Chính neh lơh broă mờ Ban Thường vụ Thàñ ủy Cần Thơ bè bơta lam lơh jat Nghị quyết bơh Ƀộ Cíñ trị dê bè bơt bơtàu mờ bơtàu tơnguh ƀòn dờng Cần Thơ tus nam 2030, bơta wèt sền tus nam 2045; Nghị quyết bơh Quôk hội dê bè lơh tơrlòng lài bàr pe kơrnoat, broă lơh krơi is bơtàu tơnguh ƀòn dờng Cần Thơ.

Thủ tướng ồng  Phạm Minh Chính lơh broă mờ Ƀan Thường vụ Thàñ ủy Cần Thơ

Đơs tàm dơ̆ lơh broă, Thủ tướng Cíñ phủ ồng Phạm Minh Chính sơñio loh, bulah neh lơh geh uă cồng nha kwơ màng, mơya Cần Thơ kung gam geh ală bơta gam ờ hềt lơh niam, ờ hềt pràn bè: Bơta kràñ cê jơh nùs ờ hềt geh uă, bơta pơnđơl lơh ngan ờ tơl kràñ tàm broă đơng lam, sồr lơh den tàng ờ hềt geh bơta bơtàu tơnguh mhar, pal bơcri priă di broă, di anih; bơtàu tơnguh lơh sa ờ hềt di pal mờ bơta ƀuơn, bơta pràn. Thủ tướng sồr, kwang đơng lam bồ ƀòn dờng pal đơng lam ală gah sơnah lơh broă, ală kấp gơnoar atbồ pơn jat tai mblàng, sền sơ wì, lơh loh jơnau gơbàn tài bơh ờ gơtùi gĭt lài mờ jơnau gơbàn tài bơh ờ rcang lài bal mờ ai jơnau bơsram mờng chài tàm broă đơng lam, sồr lơh nàng lơh niam rlau tai, geh cồng nha rlau tai tàm tơngai tus.

Cau mblàng K’Hạnh