VOV4.K’ho - Tàm Hà Nội, ồng Phạm Minh Chính, Kwang geh jơng tàm Ƀộ Cíñ trị, Thủ tướng Cíñ phủ neh đơng lam dơ̆ lơh broă mờ Ƀộ Quốk phòng bè cồng nha lơh jăt kơnòl ling klàng, sền gàr dà lơgar nam 2021; lơh jăt kơnòl ling klàng, sền gàr dà lơgar tàm bơta tờm nam 2022 mờ lơh jăt Nghị quyết bơh Ƀộ Cíñ trị bè broă bơyai lơh ling klàng làng bol Việt Nam tơngai bơh nam 2021 tus 2030 mờ ală nam pơn jăt tai.

Đơs đơng lam tàm dơ̆ lơh broă, Thủ tướng ồng Phạm Minh Chính đơs là, Ƀộ Quốc phòng neh lơh niam broă rơcang ai dơ̆ lơh broă, mờ tơngu me geh uă bơta, nền nòn, tàm hơ̆ geh broă tus bal jơnau jơnau đơs bơh ală anih lơh broă geh gơnoar. Gùng dà ờ uă kơnòl broă tờm tàm nam 2022, Thủ tướng sồr Ƀộ Quốc phòng pơn jăt tai tơnguh uă bơta pràn kơlôi sơnơng, sền wơl, yal lài di mờ bơta geh, rơcang lài pơlam broă lơh jŏ jòng mờ Đảng, Dà lơgar bơsong geh cồng nha ală bơta gơlik geh, bañ lời ờ thàn, ni sơna, sền kwơ broă kơlôi sơnơng, ai jơnau đơs mờ bơyai lơh geh cồng nha ală gùng dà broă lơh tơrgùm bal, geh cồng nha, jŏ jòng, kơrian ală broă di gơlan gơtìp tam lơh bơh gờñ, bơh ngài.

Cau mblàng Ndong Brawl