VOV4.K’ho- Mho ngai 26/06, Thủ tướng ồng Phạm Minh Chính mờ Mpồl lơh broă bơh Cíñ phủ dê neh geh dơ̆ lơh broă mờ kwang đơng lam bồ tờm ngan bơh ƀòn dờng Đà Nẵng dê. Thủ tướng cih dờp, đơs niam ngan mờ jờng rơ bơta lơh ngan mờ ală cồng nha kwơmàng mờ Đảng ƀộ, gơnoar ătbồ, ling klàng mờ làng bol ƀòn dờng Đà Nẵng neh lơh geh, pơgồp bơnah kwơmàng tàm cồng nha lơh geh bal bơh jơh gùt lơgar dê, ngan là tàm broă lơh rơcăng sơndră mờ gròi sền kòp bơtờp mờ bơtàu tơnguh wơl, bơtàu tơnguh lơh sa- mpồl bơtiàn.

Tơngai tus, Thủ tướng sồr: ƀòn dờng Đà Nẵng pơn jăt tai ai tơl cau lơh broă mờ ai tơl măy mok, phan bơna gah lơh sơnơm nàng lơh jăt niam kơnòl broă lơh sơnơm tàm ù tiah he dê; cĭt vaccine ai kơnòm dềt hơđơm 5 sơnam in niam ờdo ờdă jak chài mờ geh cồng nha. Lam lơh jăt niam, geh cồng nha jăt Kơrnoăt sồ 43 bơh Ƀộ Cíñ trị dê bè bơ̆t bơtàu mờ bơtàu tơnguh ƀòn dờng Đà Nẵng tus nam 2030 mờ Kơrnoăt sồ 119 nam 2020 bơh Quôk hội khoă XIV dê bè lơh tơrlòng lài bơyai lơh broă lơh gơnoar ătbồ tiah drà mờ bàr pe gùng dà broă lơh, kơrnoăt boh lam krơi is nàng lơh geh bơta gơn kơnờm bơtàu tơnguh pa.

Cau mblàng Lơ Mu K’Yến