VOV4.K’ho- Mho ngai 22/03, tàm Hìu duh broă Cíñ phủ, Thủ tướng Cíñ phủ ồng Phạm Minh Chính lơh broă mờ Mpồl duh broă sùm Mpồl cau dờng sơnam Việt Nam. Yal tàm dơ̆ pơrjum, Củ tịc Mpồl cau dờng sơnam Việt Nam ồng Nguyễn Thanh Bình pà gĭt, Mpồl cau dờng sơnam Việt Nam ngai sơlơ bơtàu tơnguh, pràn kơldang kơ̆ kơl jăp bè mpồl kwang bàng đơng lam, bơtòm tơrgùm geh gal ngan cau dờng sơnam mŭt bal tàm mpồl.

Tus tŭ do, Mpồl cau dờng sơnam neh geh rlau 9 tơlak 700 rbô nă cau tàm mpồl, geh tus khà mờr 90% kờp jơh khà cau dờng sơnam gùt lơgar. Đơs pơndŭt dơ̆ lơh broă, Thủ tướng ồng Phạm Minh Chính pơyua jơnau gờm chờ tus mờ jơh ală cau tàm mpồl cau dờng sơnam tàm jơh gùt lơgar jơnau nting bơr niam bơnĕ ngan rlau jơh, mơkung đơs sùm dơ̆ lơh broă do đơs nền kơnòl bơh Cíñ phủ dê gơwèt mờ cau dờng sơnam, bơsong bàr pe kơrnoăt boh lam, broă dong kờl mờ bơta kơ̆p kờñ cau dờng sơnam dê. Thủ tướng sồr pal sền dờng màng rlau tai broă lơh mblàng yal, tơnguh uă jơnau gĭt wă bè gơnoar broă, kơnòl broă mờ bơta kwơmàng bơh broă lơh dê, broă lơh cau dờng sơnam mờ tă pơgồp bơh cau dờng sơnam dê. Tơnguh uă bơta niam, lơh broă gơtùi mờ cồng nha ătbồ dà lơgar gơwèt mờ broă lơh bơh Mpồl dê mờ sền gàr, dong kờl, sền gròi cau dờng sơnam.

Cau mblàng Lơ Mu K’Yến