Mho ngai 25/08, tàm ƀòn dờng Dà Làc, càr Lâm Đồng, Thủ tướng Cíñ phủ ồng Phạm Minh Chính lơh broă mờ Mpồl lơh kơnòl broă sùm Tỉñ ủy càr Lâm Đồng, nàng sền sơwì cồng nha lơh jat kơnòl broă bơtàu tơnguh lơh sa- mpồl bơtiàn nam 2023, ală nhai bồ nam 2024 mờ gùng dà broă lơh, kơnòl broă tàm tơngai tus; mơkung bơsong, bàr pe jơnau đơs, jơnau dan nàng lơh geh bơta gơn kơnờm pa ai bơta bơtàu tơnguh bơh càr dê.

Tàm tơngai tus, Thủ tướng sồr, càr Lâm Đồng pal pơn đơl pràn lơh ngan uă rlau tai, jơh nùs lơh ngan uă rlau tai, tam gơl pa bơta gĭt wă, bồ tơngoh kơlôi sơnơng, gùng dà, broă lơh mờ lam lơh jat tàm hơ̆ pal jat tàm ală Jơnau neh lơh nền tàm pơrjum bơh Đảng, Quôk hội, Cíñ phủ, Jơnau neh lơh nền tàm pơrjum dờng Đảng bộ càr, mut ngui, lơh jat di gùng dà broă lơh bơh Đảng, adat boh lam bơh Dà lơgar dê mờ bơta đơng lam sồr lơh bơh Cíñ phủ, Thủ tướng Cíñ phủ dê nàng lơh sir uă ngan rlau jơh jơnau kờñ, kơnòl broă geh ai nam 2024.