Đơs pơn dŭt dơ̆ lơh broă, Thủ tướng ồng Phạm Minh Chính jờng rơ tơngume jơnau yal wil tơl ngan bơh càr dê mờ ală jơnau đơs song dơpă, jơh nùs, geh kơnòl, di mờ bơta geh ngan bơh kwang đơng lam bồ ală ƀộ, gah broă lơh dê. 

Thủ tướng sồr càr Tiền Giang pal lơh jat gùng dà, broă lơh bơh Đảng, adat boh lam bơh dà lơgar dê, lam lơh geh cồng nha ală rơndap ù tiah, sơlơ tơnguh tai lam lơh 3 tam gơl pràn kuơmàng lơh gơs gơtùi ală jơnau kờñ bơtàu tơnguh lơh sa – mpồl bơtiàn càr dê. Thủ tướng đơs loh kơnòl broă, broă lơh tờm tàm tơngai tus, tàm hơ̆ đơs nền, càr pal mhar ai tơlik broă rơndap lơh, lam lơh ring bal, jơh nùs, geh cồng nha rơndap ù tiah càr Tiền Giang tơngai bơh nam 2021 tus nam 2030, broă wèt sền tus nam 2050, lam lơh bơto pơlam, mblàng yal làm uă tus ală rơnàng làng bol tàm càr, lơh gơlik bơta ring bal tŭ lam lơh.