Tàm mpồng nhàr dà lơgar dunia Tà Lùng, kơnhoàl Quảng Hoà, Thủ tướng ồng Phạm Minh Chính neh iăt Ƀí thư Tỉñ ủy Cao Bằng ồng Trần Hồng Minh yal bè broă rơndăp ù tiah, gùng dà tơnguh bơtàu Tiah lơh sa mpồng nhàr dà lơgar Cao Bằng.

Jăt broă rơndăp lơh ù tiah, Tiah lơh sa mpồng nhàr dà lơgar càr Cao Bằng geh bal dùl bơnah ha là jơh ală bă ù tàm 31 xã mờ 3 thị trấn tiah nhàr dà lơgar dê (bơh xã Cần Nông, kơnhoàl Hà Quảng tus xã Đức Long, kơnhoàl Thạch An). Thủ tướng đơs tờm, Tiah lơh sa mpồng nhàr dà lơgar Cao Bằng neh geh kĭ ring bal broă rơndăp ù tiah tàm nhai 03 nam 2022, do là bơta tờm tơnguh bơtàu pa càr Cao Bằng dê. Nằng lơh geh bơta do, Thủ tướng sồr càr lơh jăt ờ uă kơnòl bè pơn jăt tai rơcang lài, tus bal lơh gùng nhàr dà lơgar ring lơngai, git gơ̆p, lơh broă bal, tơnguh bơtàu đah lơgar Việt Nam mờ lơgar Lo.

Mho òr (16/01), Thủ tướng Cíñ phủ ồng Phạm Minh Chính bal mờ kwang bàng đơng lam tàm Cíñ phủ lơh broă mờ kwang đơng lam càr Cao Bằng.