Tàm dơ̆ lơh broă, kwang đơng lam bồ ală Ƀộ, gah broă mờ càr Dăk Lăk cribơyai đơs bè bơta bơtàu tơnguh lơh sa- mpồl bơtiàn bơh càr dê mờ hơ, cribơyai lơh loh ală tơngume mờ càr dê đơs, dan mờ Cíñ phủ, Thủ tướng Cíñ phủ. Kwang đơng lam bồ ală Ƀộ, gah broă sồr dong kờl càr Dăk Lăk ngui ală bơta ƀuơn bơta pràn, lơh lài bơtàu tơnguh broă lơh sa sàng goh, ngui măi mok pa, bơtàu tơnguh niam chài- lòt nhơl pơgồp bal mờ ngui niam bơta kwơ niam chài bơh yau mùl geh; tơrgùm bơtàu tơnguh phan bơna bơt bơtàu pa; bơto bơtê mpồl cau lơh broă.

Thủ tướng Cíñ phủ sồr càr Dăk Lăk sơlơ tơnguh tai bơtàu tơnguh lơh sa mpồl bơtiàn drờm bal mờ bơt bơtàu ală anih lơh broă cíñ trị pràn kơl dang, kơ̆ kơl jăp, bơt bơtàu sền gàr dà lơgar, lơngăp lơngai; pơgồp bal niam mờ sền gàr tiah ơm kis, rcang lài pleh mờ tam gơl nhơm trồ tiah, ai kòn bơnus lơh tờm, tơrmù rƀah kơ̆ kơl jăp... sùm bơtàu tơnguh rài kis phan bơna, niam chài mờ nùs nhơm bơh làng bol dê.