VOV4.K’ho - Mho mờ mang òr (10/05), Thủ tướng Cíñ phủ ồng Phạm Minh Chính bal mờ kwang đơng lam ală lơgar tàm mpồl ASEAN neh lòt gùng tus pơrjum dờng kwơ màng di tơnkah 45 nam broă lơh git gơ̆p đah mpồl ASEAN mờ lơgar Mỹ.

    Thủ tướng ồng Phạm Minh Chính lòt gùng tus pơrjum dờng kwơ màng mpồl ASEAN mờ lơgar Mỹ

Do là dơ̆ lòt lơh broă hờ lơgar bơdìh sơnrờp ngan bơh Thủ tướng ồng Phạm Minh Chính dê tàm bơta lơgar Việt Nam neh sền gròi geh kòp Kovid-19 tàm gùt lơgar, pin dờn pờ mpồng wơl, lơh jăt broă brồ guh wơl mhar mờ tơnguh bơtàu kơl jăp lơh sa mpồl bơtiàn, tus bal tơrgùm mờ dunia tơl ală bơta, jrô ơnàng, mùl màl, geh cồng nha. Dơ̆ lòt lơh broă do bơh Thủ tướng ồng Phạm Minh Chính dê geh kwơ màng ngan nàng lơh jăt gùng dà broă lơh bal mờ lơgar bơdìh bơh Đảng, Dà lơgar; ai tơngŏ bơngă bal mờ kơnòl bơh lơgar Việt Nam dê tàm mpồl ASEAN, ai tơngŏ bơngă bal mờ gơnoar tờm bơh mpồl ASEAN, chồl pràn broă lơh bal đah mpồl ASEAN mờ lơgar Mỹ, dùl lơgar geh broă lơh kwơ màng mpồl ASEAN dê.

Cau mblàng Ndong Brawl