Broă Thủ tướng Cíñ phủ ồng Phạm Minh Chính bal mờ Kwang đơng lam ală lơgar tàm mpồl ASEAN tus bal pơrjum Kấp dờng di tơnkah 45 nam bơta git gơ̆p đah mpồl ASEAN mờ Mpồl EU geh kwơ màng ngan, tơlik nùs nhơm rơcang lài, niam mờ tă pơgồp bal geh kơnòl đah lơgar Việt Nam dê tàm mpồl ASEAN kung bè gơwèt mờ mpồl bơtiàn dunia, tàm hơ̆ uă ngan tàm bơta tiah do mờ dunia gam gơtìp mờ uă bơta kal ke, bơta lòng ờ git lài bè tŭ do.

Do là dơ̆ sơnrờp mpồl ASEAN mờ mpồl EU bơyai lơh Pơrjum Kấp dờng di tơnkah tàm mpồl EU, mờ broă tus bal bơh Kwang đơng lam ală lơgar tàm mpồl. Dơ̆ tus còp pơgồp bal tàm broă lơh nền nòn rơlao tai bơta git gơ̆p jŏ jòng đah mpồl ASEAN mờ mpồl EU, bơta git gơ̆p mờ lơh broă bal tơl ală bơta đah lơgar Việt Nam mờ mpồl tam klăc câu Âu bal mờ bơta git gơ̆p đah lơgar Việt Nam mờ ală lơgar tàm mpồl EU, pơgồp bal bơsong ală bơta gam gơlời, kal ke.