Thủ tướng ồng Phạm Minh Chính neh tus còp bàr pe hìu bơnhă geh hìu ơm pa bơh srơh do dê. Chờ hờp geh sền gŏ rài kis hờn chờ bơh uă hìu bơnhă tàm ală hìu ơm pa geh lơh, Thủ tướng Cíñ phủ jờng rơ uă ngan càr Hòa Bình neh “đơs là lơh”, cèng wơl bơta hờn chờ hờm ram ai làng bol in.

Thủ tướng sồr ală kấp ủy, mpồl Đảng, gơnoar atbồ ală tiah tơrgùm đơng lam, sồr lơh lơh gơrề uă nùs nhơm “cau lơi geh dà kơl hề tă pơgồp bal dà kơl hề, geh phan bơna tă pơgồp bal phan bơna, geh dồ ết tă pơgồp bal dồ ết, geh uă tă pơgồp bal uă”, atbồ geh cồng nha ală priă jền nàng lơh sir jơnau kờñ tơn jơh hìu lơh ing, hìu sèt mìu nhăt ai hìu bơnhă làng bol rƀah in; mơkung lam lơh dồ ròt bal ală broă lơh nàng dong kờl làng bol in geh broă lơh, lơh broă, drơng rài kis lơh broă sa, ờ mìng lik klàs rƀah lơm mờ lơh tus geh rài kis hờm ram, tơl làm rlau tai.