Tàm dơ̆ tìp, ală cau bơsram dờng tàm Hìu bơsram Đại họk Dà lơgar Hà Nội neh tơlik nùs nhơm sền gròi tus mờ broă bơto mờ bơsram, khoa họk, kông nghệ mờ tam gơl pa bơceh bơh lơgar Singapore dê; bơta git gơ̆p lơh sa bal sồ - lơh sa tơlir đah bàr lơgar; ală broă mờng chài, jơnau bơsram kwơ màng tàm broă bơsram sră, bơsram tàp nàng geh cồng nha bơh Thủ tướng lơgar Singapore ồng Lý Hiển Long dê; broă lơh pràn lơh broă bal đah ală hìu bơsram đại họk bơh lơgar Singapore mờ lơgar Việt Nam dê, tàm hơ̆ uă ngan là tàm ờ uă gah kơlôi sơnơng, tam gơl pa bơceh lơh, măi mok ngăc ngar; jơnau kơ̆p kờñ bơh ală kwang đơng lam dê gơwèt mờ rơnàng kơnòm să.

Di tàm dơ̆ do, tềng đăp mờ broă sền gŏ bơh Thủ tướng ồng Phạm Minh Chính bal mờ Thủ tướng lơgar Singapore ồng Lý Hiển Long, Hìu bơsram Đại họk Dà lơgar Hà Nội, Hìu bơsram Đại họk Dà lơgar Hồ Chí Minh bal mờ Hìu bơsram Đại họk Kông nghệ Namyang lơgar Singapore neh kĭ hơ bal sră nggal ring bal lơh broă đah ală hìu bơsram đại họk tàm gah tam gơl kwang bàng, cau pơgru, cau bơsram bal mờ kơlôi sơnơng khoa họk.