Thủ tướng ồng Phạm Minh Chính đơs nền, lơgar Việt Nam sùm sền kwơ bơta git gơ̆p Lơh broă bal tơl ală bơta mờ lơgar Mỹ, pơn jờng broă lơgar Mỹ tơnguh lơh broă bal mờ lơgar Việt Nam, sền dờng màng adat boh lam cíñ trị mờ kờñ lơgar Việt Nam “pràn, krơi is, pràn is mờ pas gơs”.

Tàm tơngai tus, Thủ tướng hòi jà bàr lơgar pơn jăt tai lơh pràn ală dơ̆ tus còp kấp dờng mờ ală kấp, cri bơyai mpồl Nghị sĩ bàr gah, pơyoa jơnau jà mpồl nghị sĩ kơnòm să lơgar Mỹ tus Pơrjum Nghị sĩ kơnòm să gùt plai ù dơ̆ 9 geh Quốk hội lơgar Việt Nam bơyai lơh. Thủ tướng hòi jà, bàr lơgar lơh pràn lơh broă bal tàm ală gah lơh sa, kă bro, bơcri priă, khoa họk kông nghệ, bơto bơtê mờ bơsram, tam gơl pa bơceh lơh, lơh cip ƀán dẫn, tam gơl sồ, tam gơl năng lượng, tơnguh tơlir, uă bơta ală broă ai ngui mờ sơndră mờ tam gơl trồ tiah.