Jờng rơ uă ngan bơta pơnđơl pràn lơh ngan, geh kơnòl, broă lơh rcang lài bơh Ƀộ Priă jền, ală jơnau đơs tă pơgồp jơh nùs ngan, di pal ngan tàm dơ̆ pơrjum, Thủ tướng đơs nền jơh nùs lơh ngan tă bơsong ală bơta kòl yan tàm ală sră nggal gơrềng tus adat boh lam; sồr Ƀộ Priă jền lời ai lài tŭ tơngai, priă jền, tam jàu kơnòl broă sồr đơng lam drơng broă mờ ai ală kwang bàng geh tơl bơta pràn jak, jơh nùs, geh kơnòl ai broă do in.

Bè broă tam gơl, bơtơl, Thủ tướng sền bal là ring bal jơnau đơs bơh Ƀộ Priă jền dê bè broă lơh dùl adat tam gơl, bơtơl 7 adat tàm gah priă jền, sồr pơn jat tai kờp sền nàng bơsong ală bơta kal ke kòl yan cèng bơta jal mhar, bơh hơ̆ pơgồp bơnah tă bơsong kal ke tàm broă lơh sa kă bro, sơlơ tơnguh tai gơguh lơh sa, gròi sền roh giă priă mờ kơ̆ kơl jăp lơh sa dờng, gàr niam ală tàm pơnring dờng bơh rài lơh sa dê, hòi jà mờ ngui geh cồng nha tơl priă jền ai bơtàu tơnguh in, lơh tus geh ală jơnau kờñ, kơnòl broă mờ Pơrjum dờng XIII bơh Đảng dê neh geh ai.