Gùng che đèng 500kV dang che 3 là gơl gùng tàm tơrbŏ bơh Phố Nối, càr Hưng Yên tus Quảng Trạch, càr Quảng Bình, gơl lòt gan ală càr: Thanh Hoá, Nghệ An, Hà Tĩnh. Do là pơrjum dơ̆ 04 bơh Thủ tướng Cíñ phủ đơng lam, sền swì, sồr ngan lơh, hòi jà lam lơh rơndăp broă lơh tàm pơgăp 6 nhai do. Pơndŭt dơ̆ pơrjum, Thủ tướng Cíñ phủ ồng Phạm Minh Chính đơs nền, Gùng che đèng 500kV dang che 3 là rơndăp broă lơh tờm geh gơtha kwơmàng lơh sa- mpồl bơtiàn, lơngăp lơngai, sền gàr dà lơgar bơh Dà lơgar dê, mờ sền gàr rài kis mpồl bơtiàn ală tiah gùng che lòt gan.

Thủ tướng Cíñ phủ sồr ală anih lơh gùng sơrbac mhar rlau tai, chồl tơngguh lơh rơndăp broă lơh, gàr geh bơta niam, kơnhăp mờ niam, sàng goh, lơngăp lơngai lơh broă. Thủ tướng sồr ală ƀộ, gah broă, ală tiah, ală mpồl pơnđơl lơh ngan lơh gơs rơndăp broă lơh chờ gờm tơngkah kir sơnrai 79 nam Kăc màng nhai 08 mờ Sơntờm dà lơgar ngai 02/09.