Rơndăp broă lơh kờp jơh jòng pơgăp 519 kơi sồ, mờ kờp jơh priă bơcri rlau 22 rbô 350 tơmàn đong. Ồng đơs là, rơndăp broă lơh Gùng che 500 Kilovon gùng che 4 gơl bơh Quảng Trạch tus Phố Nối geh gơtha kwơmàng, tơngai lam lơh rơndăp broă lơh sền bal lơh geh jơnau sồr, mơya bơnah broă lơh gam uă ngan, nàng lơh gơs ală rơndăp broă lơh jăt broă rơndăp lơh, Thủ tướng Cíñ phủ ồng Phạm Minh Chính sồr ală Ƀộ, Gah lơh broă dà lơgar, ală tiah pơn jăt tai pơgồp bal, kờp sền wơl ală broă geh gơrềng; di tŭ bơsong ală gơkòl jăt gơnăp gơnoar, lơh geh di tơngai, niam mờ lơngăp lơngai lơh broă, ngan là lơngăp lơngai lơh broă tàm ală anih geh ù tiah kal ke, kòl yan, mờ tàm tơngai trồ tiah ờ ƀươn.

Thủ tướng đơs wih đơs wơl, ală anih lơh broă, ală tiah, ală mpồl pơgồp bal niam bal mờ gơ̆p mờ bal mờ làng bol, mpồl lơh sa kă bro tài jơnau kờñ bal, pleh lơngah lơngañ, ờ niam, sa kwì sa kwà tàm ală tŭ lam lơh rơndăp broă lơh, jăt tàm nùs nhơm “iăt kơno, tam pà, lơh broă”, “lơh bal, jai bal mờ sa bal”.