Drim ngai 08/08, đơs pơndŭt tàm pơrjum Mpồl Sồr lơh dà lơgar ală broă lơh bơt bơtàu, rơndăp broă lơh kwơ màng dà lơgar gah Gùng lòt jun pơndiang phan, Thủ tướng ồng Phạm Minh Chính sồr ală cau tờm bơcri priă, ală cau mut lơh pơgồp bal mờ ală tiah gờñ tă bơsong ală kal ke, kòl yan, bơsong bơta hềt di pal ală rơndăp broă lơh gùng lòt tŭ do dê. Kờp jơh rơndăp broă lơh gùng rơndeh lòt mhar gam geh lam lơh pơgap 1 rơbô 700 kơi sồ tàm jơh gùt kơnhoàl ù tiah dà lơgar, tàm hơ̆ geh pơgap 1 rơbô 200 kơi sồ kờp dŭ rơ̆p lơh sir tàm nam 2025 nàng lơh geh kờp jơh kơi sồ gùng lòt ù gờl ntoăt mhar jơh gùt lơgar dê gơguh rlau 3 rơbô kơi sồ.

Thủ tướng sồr, ală ƀộ, gah broă, ală tiah, ngan là ală cau bơcri priă lơh, cau mut lơh jơh nùs lơh jat, lơh geh cồng nha srơh tàm pơrlòng “500 ngai mang lơh uă ngan lơh sir tus geh ală rơndăp broă lơh gùng ù gơl ntoăt mhar” nàng gờm chờ Pơrjum dờng Đảng ală kấp, lơh tus pơrjum dờng Đảng gùt lơgar dơ̆ XIV, tơngkah kir sơnrai 80 nam Ngai crơng gơs dà lơgar, 50 nam Ngai tơngklàs tiah đah Jum tơrgùm dùl dà lơgar.