Lòt sền tiah tơm ntrờn ai ù tiah lơh gùng lòt, Thủ tướng ồng Phạm Minh Chính đơs sùm do là gơl gùng tờm ngan, geh kwơ màng jŏ jòng, tơrbŏ đah Tây Nguyên, tiah Đah Jum măt tơngai lik Dà lơgar, ƀlàng rơndeh par Long Thành mờ ală gơl gùng rơndeh ntoăt jờl, anih ơhò dà lềng ơm…

Thủ tướng sồr 02 càr Bình Dương mờ Bình Phước pơgồp bal nền nòn, dong kờl bal nàng lơh mhar broă lơh gùng, tàm hơ̆ geh gơl gùng lòt gan càr Bình Phước mìng geh 07 kơi sồ jăt broă bơcri bơh dà lơgar dê den tàng pal mhar lơh, lơh gơs gờñ. Thủ tướng sồr ai ală gơl gùng tàm gơl gùng rơndeh ntoăt jờl di pal, mhar rơndăp ù tiah nàng lơh niam ngan broă bơtàu tơnguh pa bơh gơl gùng rơndeh ntoăt jờl dê, bơtàu tơnguh ală tiah lơh sa mờ măi mok, broă lơh drơng ala, tiah drà rài pa mờ ală bơta chài măi mok pa, tam gơl pa bơceh lơh, bơtàu tơnguh lơh sa sồ, lơh sa tơlir, lơh sa gơlòt bal tàm ală tiah lơh sa mờ măi mok.