Đơs tàm dơ̆ tìp mat, Thủ tướng ồng Phạm Minh Chính đơs sùm, do là dơ̆ nàng kah kơlôi bal, jờng rơ ală mpồl lơh sa kă bro, Cau lơh sa kă bro neh tă pơgồp kwơ màng ngan tàm broă lơh kăc màng bơh Dà lơgar dê.

 Thủ tướng kơ̆p kờñ là dơ̆ tìp mat do rơ̆p geh iăt uă ngan jơnau đơs tam pà bal jơh nùs jơh tồr, geh kơnòl, song dơ pă mờ jơh nùs ngan bơh ală cau ala mat dờng màng dê nàng Cíñ phủ, Thủ tướng Cíñ phủ in geh tai ală bơnàng jă nàng lơh mờ ai lơh jat ală gùng dà broă lơh dờng màng ngui priă jền, lơh geh ală bơta niam ngan rlau jơh nàng ală mpồl lơh sa kă bro Việt Nam bơtàu tơnguh pràn, mpồl cau lơh broă sa Việt Nam in ntào dờng mờ dờng pràn, tă pơgồp uă ngan rlau tai tàm broă lơh bơt bơtàu mờ sền gàr dà lơgar Việt Nam xã hội củ nghĩa. Nùs nhơm là “lơh bal, geh cồng nha bal, dờp geh bal bơta kwơ mờ bơtàu tơnguh bal; bơta chờ hờp bal, bơta hờn chờ bal mờ bơta pơn yờ să bal”.