Thủ tướng Cíñ phủ ồng Phạm Minh Chính yal mờ Phó Kwang atbồ lơgar, Thủ tướng lơgar UAE bè ală cồng nha kwơ màng bơh lơgar Việt Nam neh lơh geh, tàm hơ̆ uă ngan là gah lơh sa. Tơnơ̆ cri bơyai, bàr kwang đơng lam bồ neh sền dơ̆ kĭ Hơ bal Tam klăc Lơh sa bal Tơl ală bơta, Kơrnoăt hơ bal kă bro phan khăt gơboh lài ngan lơgar Việt Nam dê mờ dùl lơgar Ả Rập.

Do kung là Kơrnoăt hơ bal kă bro phan khăt gơboh geh tơngai cri bơyai mhar ngan lơgar Việt Nam dê, ai tơngŏ broă lơh ngan uă bơh Kwang đơng lam bồ kung bè ƀộ, gah lơh broă đah bàr dà lơgar dê nàng lơh geh gơguh pràn bơta git gơ̆p lơh broă lơh sa bal, kă bro phan, bơcri priă đah bàr lơgar dê, pờ geh gùng dà broă lơh dờng, geh kwơ màng ai lơgar Việt Nam in mŭt jrô tàm drà kă bro tiah Trung Đông. Mờ ală tơngu me cri bơyai tơl ală bơta, Kơrnoăt hơ bal kơ̆p gơn geh cèng wơl bơta kwơ ndrờm bal ai jơh bàr lơgar in.