Tềng đăp mờ ală hoàc huơr tài bơh mìu càl dờng sồ 03 lơh aniai, Tổng Ƀí thư, Củ tịc lơgar Lào ồng Thongloun Sisoulith neh pơyoa jơnau còp să tus mờ làng bol lơgar Việt Nam, tàm hơ̆ uă ngan là ală tiah bal mờ làng bol gơtìp gơrềng tàm dơ̆ rềs àr bơh trồ tiah do.

Tàm dơ̆ tìp măt kâp dờng, Thủ tướng Cíñ phủ ồng Phạm Minh Chính đơs sùm dơ̆ tus còp lơgar Việt Nam bơh Tổng Ƀí thư, Củ tịc lơgar Lào geh gơtha kwơ màng ngan, là dùl tàm ală tềl lời wơl tàm jơnau kah yau git gơ̆p bàr lơgar dê, pơgồp bal tàm broă lơh pràn bơta git gơ̆p, tam klăc bal pơnrơ dờng ngan đah lơgar Việt Nam mờ lơgar Lào ngai sơlơ jrô ơnàng nền nòn. Bàr kwang đơng lam bồ ring bal uă bè gùng dà broă lơh lơh broă  bal tàm tơngai tus tàm ală gah broă, tàm hơ̆ đơs sùm broă pơn jăt tai pơgồp bal nền nòn lơh jăt ală jơnau ring bal kấp dờng, cồng nha Pơrjum dơ̆ 46 Anih duh broă bàr Cíñ phủ lơgar Việt Nam mờ lơgar Lào, cồng nha dơ̆ tus còp kấp dà lơgar tus lơgar Lào bơh Củ tịc lơgar ồng Tô Lâm dê kung bè ală broă lơh broă bal đah ală gah, ƀộ lơh broă dà lơgar, ală càr, ƀòn dờng đah bàr lơgar dê.