VOV4.K’ho - Drim òr (13/10), tàm ƀòn dờng Cần Thơ, Thủ tướng ồng Phạm Minh Chính bal mờ ală kwang bàng ala măt Quốk hội gơwèt Mpồl kwang bàng Quốk hội ƀòn dờng neh tìp mờ cau tĕ khà lài mờ pơrjum dơ̆ 4, Quốk hội khoă 15.

Thủ tướng ồng Phạm Minh Chính tìp mờ cau tĕ khà tàm ƀòn dờng Cần Thơ lài mờ pơrjum dơ̆ 4, Quốk hội khoă 15

Tàm dơ̆ tìp mờ cau tĕ khà, cau tĕ khà ƀòn dờng Cần Thơ tơlik nùs nhơm chờ hờp tềng đăp mờ broă lơh sa mpồl bơtiàn dà lơgar 9 nhai do neh lơh geh uă cồng nha kwơ màng, niam tàm uă gah broă; kơ̆p kờñ mờ dan Quốk hội, Cíñ phủ pơn jăt tai geh ală broă lơh nàng tơnguh ală bơta niam, bơsong ală kal ke, gơkòl tŭ do bè tàm broă blơi, tăc sơnơm, phan lơh sơnơm, tă priă ai gah lơh sơnơm tàm ală tiah in, broă lơh niam wơl priă nhai, broă tơnguh bơtàu lơh sa suơn sre... Tơnơ̆ mờ tŭ neh iăt ală jơnau đơs, jơnau dan bơh cau tĕ khà, Thủ tướng ồng Phạm Minh Chính neh tam pà bal mờ cau tĕ khà ờ uă jơnau tờm bè cồng nha lơh sa mpồl bơtiàn 9 nhai bồ nam, mờ ai tơngŏ loh làng ală broă lơh gam ờ pràn... Thủ tướng sồr ală kấp, ală gah lơh broă, ală càr, ƀòn dờng pơn jăt tai lơh jăt ndrờm bal, lơh geh cồng nha ală kơnòl, broă lơh neh geh ai tàm ală gah broă; tàm hơ̆ sền kwơ broă sơndră mờ kòp Kovid-19, gàr kơl jăp drà kă bro, khà priă ală bơta phan geh kwơ tus mờ lơh sa, rài kis, tàm hơ̆ uă ngan là tàm ngai chờ, satềp mờ bồ nam 2023; ngui niam bơta kwơ drà kă bro lơgar bơdìh di tàm lồi nam.

VOV.vn – Cau mblàng Ndong Brawl