Tàm dơ̆ lòt lơh broă do, ală broă lơh bơh Thủ tướng Cíñ phủ ồng Phạm Minh Chính bal mờ mpồl kwang bàng neh lơh geh cồng nha niam bơnĕ mờ 3 cồng nha tờm geh pơnrơ ngan, pơgồp bal tàm broă tơnguh nùs nhơm pin dờn cíñ trị, tơnguh bơta git gơ̆p bal đah bàr lơgar Việt Nam mờ Lo.

Dơ̆ cri bơyai đah Thủ tướng ồng Phạm Minh Chính mờ Thủ tướng lơgar Lo ồng Lý Cường pơn jăt tai lơh pràn broă lơh broă bal mùl màl, tàm hơ̆ uă ngan là bè lơh sa kă bro đah lơgar Việt Nam mờ lơgar Lo đơs bal mờ đah ală tiah tàm lơgar Việt Nam mờ càr Quảng Tây lơgar Lo đơs is. Tàm drà ràng tơlik phan kă bro đah lơgar Lo mờ mpồl ASEAN dơ̆ do, lơgar Việt Nam kung kơ̆p kờñ ală broă lơh broă bal tàm kơrnoăt Drà ràng tơlik phan kă bro lơgar Lo mờ mpồl ASEAN geh bal dùl tàm ală bơta pràn kwơ màng lơh pràn broă bơtàu tơnguh bal bơh gùt mpồl ASEAN mờ lơgar Lo dê, ai bơta git gơ̆p lơh broă lơh sa, kă bro, bơcri priă mờ lòt nhơl đah lơgar Lo mờ ală lơgar tàm mpồl ASEAN, tàm hơ̆ geh lơgar Việt Nam gơguh bơta dờng pa.